कांग्रेस केन्द्रीय समितिको आकस्मिक बैठक केहि बेरमा बस्दै

हाम्रो बुलेटिन शनिबार १४, चैत २०७७ ११:०६

कांग्रेस केन्द्रीय समितिको आकस्मिक बैठक केहि बेरमा बस्दै

काठमाडौं - नेपाली कांग्रेस केन्द्रीय कार्यसमितिले बोलाएको आकस्मिक बैठक साढे ११ बजे पार्टी कार्यालय सानेपामा बस्दै छ । बैठकमा पार्टी केन्द्रीय सदस्य एवं पूर्वमन्त्री नवीन्द्रराज जोशीको निधनमा शोक प्रस्ताव पारित गर्ने प्रवक्ता विश्वप्रकाश शर्माले जानकारी दिनुभएको छ ।

नेता जोशीको नर्भिक अस्पतालमा उपचारमा क्रममा शुक्रवार राति निधन भएको हो । स्व जोशीको पार्थिव शरीरलाई मध्याह्न १२ बजेदेखि २ बजेसम्म पार्टीको केन्द्रीय कार्यालयमा श्रद्धाञ्जलिका लागि राखिने प्रवक्ता शर्माले बताएको छ ।

फागुन १४ गते विहान मस्तिष्कघात भएपछि नेता जोशीलाई उपचारार्थ वीर अस्पताल हुँदै नर्भिक अस्पताललाई भर्ना गरिएको थियो । विसं २०१९ असार ३ गते काठमाडौंमा जन्मनुभएका नेता जोशी २०७० मा काठमाडौं क्षेत्र नं ८ बाट संविधानसभा सदस्यमा निर्वाचित समेत हुनुभएको थियो ।