प्रतिनिधि सभा अधिवेशन अन्त्य गर्ने सरकारको तयारी
काठमाडौँ- सरकारले विजनेस नदिएको प्रतिनिधि सभाको हिउँदे अधिवेशन छिट्टै अन्त्य गर्ने सरकारले तयारी गरेको छ।
शुक्रबार बसेको नेकपा एमाले संसदीय दलको बैठकमा प्रधानमन्त्रीसमेत रहेका अध्यक्ष केपी शर्मा ओलीले चालु अधिवेशन केही दिनमा नै अन्त्य गर्ने बताएको दलका मुख्य सचेतक विशाल भट्टराईले जानकारी दिए।
आगामी जेठ १५ भित्र बजेट ल्याइसक्नुपर्ने भएकाले वैशाखबाट अर्को अधिवेशन गर्न चालु अधिवेशन छिट्टै अन्त्य गरिने ओलीको भनाई रहेको भट्टराईले बताए।
‘प्रधानमन्त्रीको केही समयपछि चालु संसद् अन्त्य गर्ने कुरा छ,’ भट्टराईले नेपालखबरसँग भने, वैशाखबाट वर्षे अधिवेशन सुरु हुन्छ भन्नुभयो।’
प्रतिनिधि सभाको बैठक १८ गतेका लागि बोलाइएको छ।
प्रधानमन्त्री ओलीले ५ पुसमा विघटन गरेको प्रतिनिधि सभा फागुन ११ गते सर्वोच्च अदालतले पुनःस्थापित गरेको थियो। साथै, १३ दिनभित्र संसद बैठक बोलाउन समेत आदेश दिएको थियो। फागुन २३, २६ गते, चैत ३ गते, ६ गते र १० गते प्रतिनिधि सभाको बैठक बसेको थियो।
प्रतिनिधि सभाको बैठक पाँच पटक बसेपनि सरकारले विजनेस दिएको छैन। महत्वपर्ण अध्यादेशहरु प्रस्तुत हुन सकेको छैन।
अधिवेशन सुरु भएपछिका ५ वटा बैठकमा शोक प्रस्ताव पारित, आयोगका वार्षिक प्रतिवेदन मात्र पेश भएका छन्।
सम्बन्धित समाचार
ताजा अपडेट
-
इम्प्याक्ट नेपालद्वारा राम बहादुर बोगटी सम्मानित
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
-
जिल्ला स्तरिय महिला मानव अधिकार संरक्षकहरुको लागि दुई दिने सुरक्षा र हेरचाह सत्र कार्यक्रम साँफेबगरमा सम्पन्न
-
सुदूरपश्चिम प्रदेशका मुख्यमन्त्री शाहले दिए राजीनामा
-
रञ्जिता द्वारा रेशमले डाकेको पार्टी बैठक खारेज
प्रतिक्रिया