भ्रष्टाचारलाई नियमन गर्न लोकपाल गठन गर्न सुर्खेती युवाको माग
सुर्खेत- सुर्खेती युवाहरुले लोकपाल गठन गर्न माग गरेका छन् । उनीहरुले शुक्रबार जिल्ला प्रशासन कार्यालयमा पुगेर लोकपाल गठन गर्न माग गरेका हुन् । उनीहरुको माग पत्रमा भनिएको छ ,‘विकास निर्माणमा भैरहेको ढिलासुस्ती, गुणस्तरहीनता र नीतिगत भ्रष्टाचारलाई नियमन गर्न लोकपाल गठन गर्न माग गरिएको हो ।’
युवाहरुले प्रमुख जिल्ला अधिकारी छवि रिजालमार्फत जिल्ला भित्र प्रशासनको अगुवाइमा नागरिक अगुवा, राजनैतिक दलका अगुवा तथा पत्रकारसहितको लोकपाल गठन गर्न मा गरेका छन् ।
प्रदेशको राजधानी वीरेन्द्रनगर नगरपालिका भित्र लागूपदार्थ दुर्व्यसन, तस्करी र अशान्ति बढ्नु चिन्ताजनक हो ,’ पत्रमा भनिएको छ ,‘ मालपोत, यातायात कार्यालयमा समेत सेवाग्राहीले सास्ती पाएका कारण जनशक्ति थप्न र प्रविधिमैत्री बनाउनुपर्छ ।’
राजिभ जंग शाही, कमल कटवाल, राज रावत, माधव सिजाली र कमल शाही लगायतका यूवा जिल्ला प्रशासन कार्यालयस्थित प्रमुख जिल्ला अधिकारी समक्ष पुगेका थिए । साथै उनीहरुले वीरेन्द्रनगर नगरपालिका –३ र १० मा अस्थायी प्रहरी बिट राख्नुपर्ने पनि माग गरिएको छ।
सम्बन्धित समाचार
ताजा अपडेट
-
इम्प्याक्ट नेपालद्वारा राम बहादुर बोगटी सम्मानित
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
-
जिल्ला स्तरिय महिला मानव अधिकार संरक्षकहरुको लागि दुई दिने सुरक्षा र हेरचाह सत्र कार्यक्रम साँफेबगरमा सम्पन्न
-
सुदूरपश्चिम प्रदेशका मुख्यमन्त्री शाहले दिए राजीनामा
-
रञ्जिता द्वारा रेशमले डाकेको पार्टी बैठक खारेज
प्रतिक्रिया