सुदूरपश्चिममा आज ओल्के पर्व मनाइँदै
सुदूरपश्चिम प्रदेशमा आज ओल्के पर्व मनाइँदै छ । मौलिक पर्वका रूपमा हरेक वर्ष भदौं १ गतेका दिन सुदूरपश्चिमका पहाडी समुदायले ओल्के पर्व मनाउने गर्दछन् । आल्के पर्वका अवसरमा सुदूरपश्चिम प्रदेश सरकारले आज प्रदेशभर सार्वजनिक बिदा समेत दिएको छ ।
उपहार वा सगुनलाई ओल्को भन्ने गरिन्छ । यो पर्वका दिन विवाहित छोरी चेलीलाई माइतीघरमा आमन्त्रण गरेर मिठा मिठा खानाका परिकार बनाई खुवाउने गरिन्छ । त्यस्तै आफन्त र छरछिमेकहरूलाई कर्कलोका पात, केरा, दूध, दही जस्ता वस्तुहरू सम्मान स्वरूप वितरण गर्ने प्रचलन पनि छ । विवाह भएको पहिलो साउन मनाउन महिनाभर माइतीघर गई बसेकी नव विवाहित नारी ओल्के पर्व मनाएर घर फर्किने गर्दछन् ।
ओल्के पर्वकै दिन गाउँ गाउँमा सबैको पायक पर्ने स्थानमा रूख बिरुवाका हाँगाबिँगा काटेर एक ठाउँमा थुप्रो बनाई बूढी हाल्ने गरिन्छ । सोही थुप्रोमा दैनिक रूपमा गोठालाहरूले हाँगाबिँगा थप्दै जाने र असोज सङ्क्रान्तिका दिन साँझपख गाउँभरका सबै जना जम्मा भएर बूढी पोल्ने प्रचलन छ । भगवान् श्रीकृष्णलाई आफ्नो दूध पिलाएर मार्न खोज्ने राक्षसनी पूतनालाई उल्टै दूध चुसिचुसी भगवान् श्रीकृष्णले मारेको खुसीयालीमा बुढी पोल्ने प्रचलन रहेको प्राध्यापक एवं ज्योतिष पण्डित यज्ञराज पन्तको भनाइ छ । पूतना राक्षसनीकै प्रतिकका रूपमा रुखका हाँगाबिँगाको थुप्रो बनाई बुढी हाल्ने र महिना दिन पछि बुढी पोल्ने गरिन्छ ।
सम्बन्धित समाचार
ट्रेन्डिङ
ताजा अपडेट
-
इम्प्याक्ट नेपालद्वारा राम बहादुर बोगटी सम्मानित
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
-
जिल्ला स्तरिय महिला मानव अधिकार संरक्षकहरुको लागि दुई दिने सुरक्षा र हेरचाह सत्र कार्यक्रम साँफेबगरमा सम्पन्न
-
सुदूरपश्चिम प्रदेशका मुख्यमन्त्री शाहले दिए राजीनामा
-
रञ्जिता द्वारा रेशमले डाकेको पार्टी बैठक खारेज
प्रतिक्रिया