कोलम्बियालाई पराजित गर्दै अर्जेन्टिना कोपा अमेरिकाको फाइनलमा
अर्जेन्टिना जारी कोपा अमेरिका फुटबलको फाइनलमा प्रवेश गरेको छ। बुधबार विहान ब्रासिलियास्थित नासिओनल स्टेडियममा भएको खेलमा कोलम्बियालाई पेनाल्टी सुटआउटमा ३-२ ले पराजित गर्दै अर्जेन्टिना फाइनलमा पुगेको हो।
निर्धारित समयको खेल १–१ गोलको बराबरीमा टुङ्गिएपछि खेलको निर्णय पेनाल्टी सुटआउटबाट लिइएको हो। खेलको सातौं मिनेटमा लोउटारो मार्टिनेजले गोल गर्दै अर्जेन्टिनालाई १–० को अग्रता दिलाएका थिए। कोलम्बियाका लागि खेलको ६१ औं मिनेटमा लुइस डियाजले गोल गर्दै खेललाई बराबरीमा पुर्याए, तर त्यसपछि दुबै टिमले गोल गर्न सकेनन्।
निर्धारित ९० मिनेटको खेल बराबरीमा टुंगिएपछि खेल पेनाल्टी सुटआउटमा पुगेको थियो। अर्जेन्टिनाका लागि चार खेलाडीले पेनाल्टी प्रहार गर्दा ३ खेलाडीले गोल गरे। अर्जेन्टिनाका लागि लियोनल मेस्सी, लौटारो मार्टिनेज र लियोनार्दो डेनियल पेरेडेसले गोल गर्दा रोड्रिगो डी पाउल गोल गर्न चुके।
उता कोलम्बियाले पाँच पेनाल्टी प्रहार गर्दा दुई प्रहार मात्र गोल भयो तीनवटा प्रहार अर्जेन्टिनाका गोल रक्षक मार्टिनेजले रोकेका थिए। फाइनल प्रवेशसँगै अर्जेन्टिनाले अब उपाधिका लागि ब्राजिलसँग खेल्नेछ।
सम्बन्धित समाचार
ट्रेन्डिङ
ताजा अपडेट
-
भीम रावललाई निषेध माथि निषेध गर्ने प्रपञ्च
-
छैठौं साँफेबगर महोत्सबको आय व्यय सार्वजनिक ९३ लाख संकलन, ५२ लाख बढि बचत
-
छैठौं साँफेबगर महोत्सबको आय व्यय फाल्गुन ३० गते सार्वजनिक गरिने
-
ट्रकबाट सल्किएको आगोले कर्णाली पुलमा भएको क्षतिको अध्ययन गर्दै प्राविधिक टोली
-
अछामको जनकल्याण माध्यमिक बिधालयमा बढी शुल्क लिएको भन्दै तालाबन्दी
प्रतिक्रिया