मालिकलाई देखाउन ससुराले बुहारी कुटे, श्रीमानले भिडियो बनाए
अछाम : जिल्लाको मंगलसेन नगरपालिका –३ लाछिमना घर भइ हाल भारतको पुनामा बस्दै आएका एक ससुराले आफ्नी बुहारीलाई मरणासन्न हुनेगरी कुटेका छन्। बुहारीलाई कुटेको भिडियो अहिले भाइरल भएको छ।
ससुरा कालु भुलले बुहारी भरु बिकलाई कुटपिट गरेको भिडियो समाजिक सञ्जालमा भाइरल भएको हो। बुहारीले काम गर्ने घरकी मालिकनीको लिपिस्ष्टिक र घडी चोरेको भन्दै सुसुराले बुहारीलाई कुटेका बताईएको छ।
उक्त कुटपिट गरेको भिडियो बुहारी (भरु) कै श्रीमान दिनेशले खिचेका हुन। काम गर्ने घरमा मालिकनीको लिपिष्टिक र घडी चोरेको भन्दै मालिकनीको प्यारो बन्न कुटेको भिडियो देखाउनलाई खिचिएको बताइएको छ।
भरुले एक वर्ष पहिले दिनेशसँग भागी विवाह गरेकी थिइन्। १६ वर्षीया भरुको माइती मंगलसेन नगरपालिका ७ जनालीबण्डीमा पर्छ। सामाजिक सन्जालमा कुटपिट गरेको भिडियो सार्वजनिक भएपछि घटनाको विरोध गर्दै कानुन अनुसार कार्वाहीको माग गरिएको छ।
घटनाबारे नेपाल प्रहरीले आफ्नो ध्यानाकर्षण भएको जनाएको छ। सामाजिक संजालमा महिला उपर ससुराद्वारा भएको कुटपिटको भिडियो क्लिप प्राप्त हुनासाथ जिप्रका अछाम मार्फत छानबिन अगाडि बढाइएको नेपाल प्रहरीले जनाएको छ।
उक्त घटनामा संलग्न परिवारका सदस्यहरु हाल भारतमा बसोबास गरिरहेको र घटना पनि अछाममा नभई भारतको महाराष्ट्रमा भएको खुल्न आएको प्रहरीको भनाई छ।
सम्बन्धित समाचार
ट्रेन्डिङ
ताजा अपडेट
-
इम्प्याक्ट नेपालद्वारा राम बहादुर बोगटी सम्मानित
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
-
जिल्ला स्तरिय महिला मानव अधिकार संरक्षकहरुको लागि दुई दिने सुरक्षा र हेरचाह सत्र कार्यक्रम साँफेबगरमा सम्पन्न
-
सुदूरपश्चिम प्रदेशका मुख्यमन्त्री शाहले दिए राजीनामा
-
रञ्जिता द्वारा रेशमले डाकेको पार्टी बैठक खारेज
प्रतिक्रिया