अछाममा थप २ जना कोरोना संक्रमित थपिए
अछाम – जिल्लामा थप २ जनामा कोरोना भाईरसको संक्रमण देखिएको छ । जिल्लाको चौरपाटी गाँउपालिका वडा नं. २ का २९ बर्षिया महिला र १ बर्षिया बालिकामा कोरोना संक्रमणको पुष्टी भएको हो ।
राष्ट्रिय प्रयोगशाला टेकु काठमाण्डौमा भएको परिक्षणका क्रममा थप २ जनामा संक्रमण पुष्टी भएको स्वास्थ्य कार्यालय अछामका सुचना अधिकारी देवराज जोशीले जानकारी दिए । सोमबार मात्रै ७ जनामा कोरोनाको संक्रमण देखिएको थियो । यो संगै जिल्ला भित्र संक्रमितको संख्या ७८ पुगेको छ भने जिल्ला बाहिरका ३ गरि ८१ पुगेको छ ।
चौरपाटी गाउँपालिकामा कोरोना भाईरस संक्रमितको संख्या ८ पुगेको छ । यस अघि ६ जनामा पुष्टि भए पनि आज दुई जनामा संक्रमण देखिए सँगै आठ जना पुगेको गाउँपालिकाले जनाएको छ ।
यस अघि भारतबाट आएका ब्यक्तिमा देखि पनि आज अन्य ब्यक्तिमा समेत देखि पछि जोखिम बढेको छ । जेठ १२ गते भारतबाट आएका २३ बर्षिया पुरुषको आरडिटी रिपोर्ट नेगेटिभ भए पछि १४ दिन क्वारेन्टाइन समय सकेर घर फर्किएका पुरुष श्वाव संकलन पछि घर गएका थिए ।
घर फर्किएका पुरुषको पिसिआर रिर्पाेट पोजेटिब आए पछि घर परिवारको समेत श्वाब संकलन गरिएको थियो । घर परिवारको अरु सदस्य नेगेटिभ आए पनि पोजेष्टिभ पुरुष सँगै उनका २९ बर्षिया भाउजू र १ बर्षिया छोरीको रिपोर्ट पोजेष्टिभ देखिएको स्वास्थ्य शाखा चौरपाटीले जनाएको छ।
यस अघि भारतबाट आएका ब्यक्तिमा मात्र कोरोना पुष्टि भए पनि समुदायमा आज दुई जनामा कोरोना पुष्टि भए सँगै जोखिम रहेको चौरपाटी स्वास्थ्य शाखा सिनियर अहेब अधिकृत कमल साउदले बताए।
सम्बन्धित समाचार
ताजा अपडेट
-
चौरपाटी गाउँपालिकाको निति तथा कार्यक्रम सार्वजनिक -पूर्णपाठ सहित
-
इम्प्याक्ट नेपालद्वारा राम बहादुर बोगटी सम्मानित
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
-
जिल्ला स्तरिय महिला मानव अधिकार संरक्षकहरुको लागि दुई दिने सुरक्षा र हेरचाह सत्र कार्यक्रम साँफेबगरमा सम्पन्न
-
सुदूरपश्चिम प्रदेशका मुख्यमन्त्री शाहले दिए राजीनामा
प्रतिक्रिया