Hamro Bulletin

लायन्स क्लब अफ साँफेबगरले ब्लड बैंक स्थापनाका लागी गरिएको साँफेबगर महोत्सब्लाई चौरपाटी गाउँपालिकाले पाँच लाख दिने घोषणा गरेको छ । साँफेबगर नगरपालिका वडा न. ३ को नव निर्माणाधिन बसपार्कमा भैरहेको महोत्सबको पाँचौ दिनको प्रमुख अतिथी को आसन बाट बोल्दै चौरपाटी गाउँपालिकाका अध्यक्ष भिम बहादुर साउँदले ब्लड बैंक स्थापनाका लागी गरिएको साँफेबगर महोत्सब्लाई चौरपटी गाउँपालिकाको तर्फबाट पाँच लाख दिने घोषणा गर्नु भएको हो ।

महोत्सबमा बोल्दै अध्यक्ष साउँदले लायन्स क्लब अफ साँफेबगरले महोत्सब मनोरन्जनका लागी मात्र नभएर एक ब्लड बैंक स्थापना गर्ने महान उद्देश्य सहित महोत्सब आयोजना गरेकोले यस्ता रचनात्मक कृयाकलापको आफु सधै समर्थनमा रहेको बताउनु भयो । साथै लायन्स क्लबका अध्यक्ष लायन कृष्ण कुँवरले चौरपाटी गाउँपालिकाका अध्यक्ष लाई पनि लायन्स क्लब अफ साँफेबगरको सदस्यका रुपमा स्वागत गर्न पाउँदा आफुलाई अत्यन्तै खुशी लागेको बताउनु भयो ।

महोत्सबको पाँचौ दिन चर्चित कलाकार टंक तिमील्सैना अनिता चलाउने रुबिना अधिकारी लगाएत स्थानिय कलाकारहरुले आफ्नो प्रस्तुती दिएका थिए । महोत्सबमा दैनिक रक्तदान कार्यक्रम अन्तर्गत हिजो ९ जनाले रक्तदान गरेकाअ थिए भने बाणिज्यको फर्म दर्ताको काम समेत भएको थियो । त्यसैगरी महोत्सबको पाँचौ दिन बाट पालिका स्तरिय खुल्ला पुरुष भलिबल प्रतियोगिता समेत सुरु गरिएको महोत्सबका खेलकुद उपसमितिका संयोजक लायन अनिल कुँवरले जानकारी दिनुभएको छ । त्यस्तै पन्चदेवल विनायक नगरपालिकाका लेखा प्रमुख लोक बहादुर चलाउनेले आफ्नो व्यक्तिगत तर्फबाट १० हजार महोत्सबलाई सहयोग गर्नु भएको थियो ।

महोत्सबको छैठौं दिन आज रामजी खाँड रुपा घर्ती मगर, सृजना खत्री हाउडे मायाँ, झरना बोहरा, नरेन्द्र रावल लगाएत स्थानिय कलाकारको प्रस्तुती रहने छ भने भोली सातौं दिन समिक्षा अधिकारी, रुपा घर्ती मगर, लाल बहादुर धामी, रोजी कुँवर लगाएत स्थानिय कलाकारहरुको प्रस्तुती रहने कलाकार समन्वय उपसमितिका संयोजक तथा लायन्स क्लब अछामका संस्थापक अध्यक्ष लायन भरत बहादुर खड्काले जानकारी दिनुभयो । त्यसैगरी भोली ३ गते विध्यार्थीहरुलाई विध्यालयको पोषाक र परिचय पत्रमा ५० प्रतिशत छुटको व्यवस्था रहेको टिकट व्यवस्थापन उपसमितिका संयोजक लायन गौतम कुँवरले जानकारी दिनुभयो ।