‘बयलपाटा अस्पतालमा प्रदेश सरकारले अनुदानको व्यवस्था गरोस’ मेघराज खड्का

हाम्रो बुलेटिन बुधबार १०, माघ २०८० ०९:३९

‘बयलपाटा अस्पतालमा प्रदेश सरकारले अनुदानको व्यवस्था गरोस’ मेघराज खड्का

नेपाली काँग्रेस सुदूरपश्चिम प्रदेश सभा सदस्य मेखराज खडकाले बयलपाटा अस्पतालका लागि प्रदेश सरकारले अनुदानको व्यवस्था गर्न माग गरेका छन् ।

आज बसेको प्रदेश सभाको तेस्रो अधिवेशनको दोस्रो बैठकको शून्य समयमा बोल्दै बयलपाटा अस्पताल बन्द हुने अवस्थामा पुगेको हुँदा प्रदेश सरकारले अनुदानको व्यवस्था गर्न माग गरेका हुन् ।

‘प्रदेशका पहाडी जिल्लामा बयलपाटा अस्पतालले राम्रो सेवा प्रदान गर्दै आइरहेको थियो । अहिले स्त्री रोग सम्बन्धी सेवा बन्द अवस्थामा छ । बयलपाटाको बन्द हुने अवस्थामा पुगेको छ’ उनले भने –‘त्यहाँका जनताले हामीसंग पटक–पटक प्रश्न गरिरहेका छन् । हामीले आफनो क्षेत्रमा पाइला राख्न सक्ने अवस्था छैन् । प्रदेश सरकारको अधिकार क्षेत्रमा रहेको यो अस्पतालबारे प्रदेश सरकार गम्भिर हुन सकेको छैन् ।’

उनले अनुदानका लागि प्रदेश सरकारलाई थुप्रै पटक भन्दा समेत अनुदानको व्यवस्थामा ध्यान नदिएको बताए ।