Hamro Bulletin

श्री गोरख बक्स गण अछामको प्राविधिक सहयोगमा अछाम जिल्ला, साँफेबगर नगरपालिका वडा नं. १२ स्थित विकट स्थानमा रहेको नैनी खप्तडमा हेलिप्याड निर्माण कार्य सम्पन्न भएको छ । हेलिप्याड निर्माण पश्चात उक्त स्थानमा आईपर्न सक्ने विपद् लगायत आकस्मिक घटनाहरुको उद्धार कार्यमा मद्धत पुग्नुका साथै, धार्मिक र पर्यटकीय रुपमा प्रख्यात नैनीको पर्यटन प्रवद्धनमा समेत टेवा पुगेको वार्ड नं. १२ का वडा अध्यक्ष जनक कडायतले बताउनु भयो ।

श्री गोरख बक्स गणको प्राविधिक सहयोग र साँफेबगर न।पा।को सहयोगबाट हेलिप्याड निर्माण गर्न पाउदा आफुलाई एकदमै गर्व महशुस भएको कुरा अर्जुन रानाले बताउनु भयो । जिल्लाको विकट स्थानहरुमा विपद् लगायतका अन्य आकस्मिक अवस्थामा उद्धार कार्यको लागी ज्यादै लाभदायी हुने भएको हुंदा नेपाली सेनाले जिल्ला स्थित सबै पालिकाहरुलाई हेलिप्याड निर्माण गर्नको लागी प्रोत्साहन तथा समन्वय गर्दै आईरहेको र उक्त काममा नेपाली सेनाले प्राविधिक सहयोग उपलब्ध गराउने बारेमा श्री गोरख बक्स गणका गणपति प्रमुख सेनानी जनक सिल्वालले बताउनु भयो ।