स्वास्थ्यचौकीको हाताभित्र मध्यपान गर्नेलाई ५ हजार जरिवाना

हाम्रो बुलेटिन मङ्गलबार ०२, साउन २०८० १५:४१

स्वास्थ्यचौकीको हाताभित्र मध्यपान गर्नेलाई ५ हजार जरिवाना

बैतडी, २ साउन । बैतडीको एक स्वास्थ्यचौकीले हाताभित्र मध्यपान गर्नेलाई ५ हजार जरिवाना गर्ने निर्णय गरेको छ । जिल्लाको पञ्चेश्वर गाउँपालिका १ स्थित पञ्चेश्वर स्वास्थ्य चौकीले हाताभित्र मध्यपान गर्नेलाई पाँचहजार सम्म जरिवाना गर्ने निर्णय गरेको हो ।

सोमबार स्वास्थ्य चौकी व्यवस्थापन समितिको बैठकले स्वास्थ्य चौकी हाताभित्र मध्यपान गर्नेलाई एक हजार देखि पाँच हजार सम्म जरिवना गरिने निर्णय गरेको पञ्चेश्वर स्वास्थ्य चौकी प्रमुख सुरेश सार्कीले बताए ।

पहिलो पटक लाई एक हजार, दोस्रो पटकलाई दुई हजार ५०० र तेस्रो पटकलाई ५ हजार जरिवाना गरिने भएको छ । यस्तै बैठकले संस्थाको हाताभित्र धुम्रपान र सूतिजन्य पदार्थ सेवन गर्नेलाई संस्था बाहिर निकाल्ने वा सय रुपयाँ जरिवाना गर्ने निर्णय समेत गरेको छ ।