नगरप्रमुख हमालद्वारा यु–१६ विजेता खेलाडीहरू सम्मानित
धनगढी । अघिल्लो हप्ता मलेसियामा सम्पन्न एसीसी यु–१६ इस्ट जोन कपको उपाधि जितेको नेपाली टोलीका तीन जना खेलाडीहरूलाई धनगढी उप(महानगरपालिकाका प्रमुख गोपाल हमालले सम्मान गरेका छन् ।
धनगढी क्रिकेट एकेडेमीमा आयोजित एक कार्यक्रममा हमालले नेपाली टोलीमा रहेका सुदूरपश्चिमका तीन जना खेलाडीहरू विकेट किपर ब्याट्सम्यान आशिष लुहार, ओपनर ब्याटर नरेन भट्ट र अशोक धामीलाई हिजो (सोमबार) एक कार्यक्रमकाबीच सम्मान गरेका हुन् ।
घरेलु टोली मलेसियामाथि २ सय २१ रनको सानदार जित निकाल्दै नेपालले लगातार तेस्रो पटक यु–१६ इस्ट जोनको उपाधि जितेको थियो । उक्त उपाधि जित्दा धनगढी क्रिकेट एकेडेमीकै नरेन भट्टले फाइनलमा शतक प्रहार गरेका थिए ।
यस्तै विकेटकिपर ब्याट्सम्यान आशिष पनि धनगढी क्रिकेट एकेडेमीकै उत्पादन हुन् । अशोक बझाङका हुन् । एकेडेमीले सम्मान गर्दै उनीहरूलाई निःशुल्क प्रशिक्षण गराउने समेत घोषणा गरेको छ ।
तीन जनै खेलाडीलाई सम्मान गर्दै मेयर हमालले खेलाडीहरूलाई बधाई दिँदै ग्रास रुटको विकासमा धनगढी उप(महानगरपालिकाले लगानी गर्ने बताए ।
‘यहाँ प्रतियोगितामा पैसा खन्याउने, पैसा माग्ने गलत संस्कृति विकास भएको छ । तर हामीले नर्सरीमा लगानी गर्नुपर्ने हो,’ हमालले भने, ‘प्रतियोगिता आयोजना सरकारले गर्ला तर धनगढीले खेलाडी उत्पादनमा जोड दिन्छ । ग्रास रुट लेभलको विकासमा हामी लगानी गर्छौ ।’
उनले एकेडेमीका अध्यक्ष सुवास शाहीको धनगढीलाई सिटी अफ क्रिकेट बनाउने परिकल्पनालाई नीति तथा कार्यक्रममा समेटेको पनि बताए ।
एकेडेमीका व्यवस्थापक श्यामुअल न्यौपानेले सम्मानित तीन जनै खेलाडीहरूलाई बधाई दिँदै उनीहरूको निःशुल्क रूपमा एकेडेमीमा वर्षभरि प्रशिक्षणको व्यवस्था मिलाइएको बताए ।
‘हाम्रो एकेडेमीका उत्पादनहरूले अन्तर्राष्ट्रिय रूपमा उत्कृष्ट प्रदर्शन गर्दै त्यसकै लागि ट्रफी भित्र्याउनु हाम्रा लागि ठुलो गर्वको कुरो हो,’ न्यौपानेले भने, ‘उहाँहरूको मिहिनेतको सम्मान गर्दै आगामी खेलकुद जीवन अगाडि बढाउन सहज होस भन्ने उद्देश्यले हामीले पूर्ण छात्रवृत्तिमा प्रशिक्षण गराउने भएका छौँ ।’
सम्बन्धित समाचार
ट्रेन्डिङ
ताजा अपडेट
-
सानपा मा आई.पि.भि. खोप अभियान सम्बन्धि पालिका स्तरीय खोप समन्वय समितीसंग अभिमुखिकरण कार्यक्रम सम्पन्न
-
साँफेबगर नगरपालिकामा दुई दिने खोप कार्यक्रमको स्वास्थ्य संस्था स्तरीय सुक्ष्म योजना तर्जुमा गोष्ठी सुरु
-
आज सुदूरपश्चिमका मुख्यमन्त्रीले विश्वासको मत लिँदै
-
ने.वि संघ अछाम द्धारा प्रमुख जिल्ला अधिकारी मार्फत प्रधानमन्त्री लाई ज्ञापन पत्र
-
चौरपाटी गाउँपालिकाको निति तथा कार्यक्रम सार्वजनिक -पूर्णपाठ सहित
प्रतिक्रिया