सहकारीको ६ करोड लिएर भाग्ने अध्यक्ष र उपाध्यक्ष पक्राउ
सहकारीको ६ करोडभन्दा धेरै रकम दुरुपयोग गरेको आरोपमा अध्यक्ष र उपाध्यक्ष पक्राउ परेका छन् ।
पुरानो बानेश्वरस्थित भरोसा नेपाल बहुद्देश्य सहकारी संस्थामा जम्मा गरेको ६ करोड २५ लाख रकम लिएर फरार भएका अध्यक्ष सुरज बस्नेत र उपाध्यक्ष शिव पाण्डेलाई सिआईबीको टोलीले पक्राउ गरेको हो ।
काठमाडौं-३० का ४२ वर्षीय बस्नेतलाई सीआईबीले अनामनगर र काठमाडौं-१६ पकनाजोलका ५७ वर्षीय पाण्डेलाई सोही स्थानबाट पक्राउ गरेको हो ।
उनीहरूले सहकारीका १५ जना बचतकर्ताको रकम संस्थाको खातामा नराखी आफ्ना परिवारका सदस्य र आफन्तहरूको नाममा राखेर दुरुपयोग गरेका थिए ।
निक्षेपकर्ताहरूले जम्मा गरेको रकम माग्दा सहकारी संस्थामा ताला लगाएर उनीहरू भागको सीआईबीले जनाएको छ । उनीहरूमाथि कानुनी कारबाही भइरहेको उप-निर्देशक, प्रवक्ता एवं प्रहरी उपरीक्षक श्यामकुमार महतोले जानकारी दिए ।
सम्बन्धित समाचार
ताजा अपडेट
-
आज सुदूरपश्चिमका मुख्यमन्त्रीले विश्वासको मत लिँदै
-
ने.वि संघ अछाम द्धारा प्रमुख जिल्ला अधिकारी मार्फत प्रधानमन्त्री लाई ज्ञापन पत्र
-
चौरपाटी गाउँपालिकाको निति तथा कार्यक्रम सार्वजनिक -पूर्णपाठ सहित
-
इम्प्याक्ट नेपालद्वारा राम बहादुर बोगटी सम्मानित
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
प्रतिक्रिया