सुदूरपश्चिममा एमाले भित्र विवाद चर्किएका बेला मन्त्रिमण्डल विस्तार
सुदूरपश्चिम प्रदेश सरकारमा ८ जना मन्त्री र राज्यमन्त्री थपिएका छन्। नेकपा एमालेमा विवाद भइरहेका बेला मुख्यमन्त्री त्रिलोचन भट्टले एमालेका दुई मन्त्रीलाई हटाएका छन् भने एमालेबाट ६ जना र माओवादी केन्द्रका २ जना नियुक्त गरेका छन्। केहीको मन्त्रालय हेरफेर गरिएको छ।
नयाँ मन्त्री मण्डलमा आर्थिक मामिला तथा योजना मन्त्रालयमा प्रकाशबहादुर शाह, आन्तरिक मामिला तथा कानुन मन्त्रालयमा पूर्णा जोशी, उद्योग वन वातावरण तथा पर्यटन मन्त्रीमा मानबहादुर धामी, सामाजिक विकास मन्त्रीमा लालबहादुर खड्का र भौतिक पूर्वाधार विकास मन्त्रीमा दीर्घबहादुर सोडारीलाई नियुक्त गरिएको छ।
शाहलाई आन्तरिक मामिलाबाट हटाएर आर्थिक मामिला मन्त्रालय दिइएको हो। यसअघिका सामाजिक विकासमन्त्री कृष्णराज सुवेदी र उद्योग वन वातावरण तथा पर्यटन मन्त्री माया भट्टलाई हटाइको छ।
यस्तै सामाजिक विकास राज्यमन्त्रीमा मना साउद, भौतिक पूर्वाधार विकास राज्यमन्त्रीमा चुनकुमारी चौधरी, आर्थिक मामिला राज्यमन्त्रीमा अर्चना गहतराज र भूमी व्यवस्था तथा कृषि राज्यमन्त्रीमा मानबहादुर सुनारलाई नियुक्त गरिएको छ।
अहिलेको नयाँ मन्त्रीमण्डलमा उद्योग वन वातावरण तथा पर्यटन मन्त्री मानबहादुर धामी र भूमी व्यवस्था तथा कृषि राज्यमन्त्री मानबहादुर सुनार भने नेकपा माओवादी केन्द्रका हुन्। भूमी व्यवस्था तथा कृषिमन्त्री विनीता चौधरीको जिम्मेवारी फेरिएको छैन ।
८ जना मन्त्री र राज्यमन्त्रीलाई शुक्रबार प्रदेश प्रमुख गंगाबहादुर यादवले शपथ खुवाएका छन्। नेकपा एमालेको स्थायी कमिटिले सरकारको समर्थन फिर्ता लिएको र आफ्ना मन्त्रीलाई फिर्ता बोलाएको अवस्थामा, त्यसको अवज्ञा गर्दै मन्त्रिमण्डल विस्तार भएको हो।
अन्नपूर्ण पोष्ट
सम्बन्धित समाचार
ट्रेन्डिङ
ताजा अपडेट
-
चौरपाटी गाउँपालिकाको निति तथा कार्यक्रम सार्वजनिक -पूर्णपाठ सहित
-
इम्प्याक्ट नेपालद्वारा राम बहादुर बोगटी सम्मानित
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
-
जिल्ला स्तरिय महिला मानव अधिकार संरक्षकहरुको लागि दुई दिने सुरक्षा र हेरचाह सत्र कार्यक्रम साँफेबगरमा सम्पन्न
-
सुदूरपश्चिम प्रदेशका मुख्यमन्त्री शाहले दिए राजीनामा
प्रतिक्रिया