देउवालाई ओलीको फोन : तपाईं आफैं सरकार बनाउनु, नभए मलाई सघाउनु
प्रधानमन्त्री केपी शर्मा ओलीले प्रमुख प्रतिपक्षी दल नेपाली कांग्रेसका सभापति शेरबहादुर देउवालाई शुक्रबार बिहान फोन गरेर राष्ट्रिय सहमतिको सरकार बनाउन प्रस्ताव गरेका छन्।
राष्ट्रपति विद्यादेवी भण्डारीले संविधानको धारा ७६ को उपधारा ५ अनुसार सरकार बनाउन दिएको एक दिनको म्याद सकिँदै लाग्दा ओलीले यस्तो प्रस्ताव देउवालाई राखेका हुन्।
बालुवाटारमा पत्रकारहरुसँग आयोजित अन्तरक्रियाका क्रममा उनले आफूले फोन गरे देउवालाई आफ्नो नेतृत्वमा सरकार बनाउन भनेको बताए। यदि त्यसो नभएमा आफूलाई समर्थन गरेर राष्ट्रिय सहमतिको सरकार बनाउन प्रस्ताव गरेको उनले बताएका छन्।
'मैले बिहान फोन गरेर उहाँलाई सरकार बनाउन सकेमा प्रतिपक्षको भूमिकामा रचनाात्मक सहयोग गर्ने बताएँ', बालुवाटारमा उनले भने, 'त्यो सम्भव नभएमा मेरै नेतृत्वमा राष्ट्रिय सहमतिको सरकार बनाउन प्रस्ताव राखेको छु।'
आफूलाई विस्थापित गरेर सरकार बनाउनेलाई हरेक ठाउँमा साथ दिने ओलीले बताए। 'मेरो विकल्पमा बन्ने सरकारलाई शान्त, सौम्य भएर सहयोग गर्छु', उनले भने, 'यदि वैकल्पिक सरकार बन्दैन भने मेरो नेतृत्वको सरकारलाई समर्थन गरेर राष्ट्रिय सरकारमा लैजाऊँ। यसो भएमा कोरोना संकटविरुद्ध लड्न पनि सजिलो हुन्छ।'
सम्बन्धित समाचार
ताजा अपडेट
-
इम्प्याक्ट नेपालद्वारा राम बहादुर बोगटी सम्मानित
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
-
जिल्ला स्तरिय महिला मानव अधिकार संरक्षकहरुको लागि दुई दिने सुरक्षा र हेरचाह सत्र कार्यक्रम साँफेबगरमा सम्पन्न
-
सुदूरपश्चिम प्रदेशका मुख्यमन्त्री शाहले दिए राजीनामा
-
रञ्जिता द्वारा रेशमले डाकेको पार्टी बैठक खारेज
प्रतिक्रिया