चलचित्रकर्मीको एउटा समुह नेपाली काँग्रेसमा प्रवेश
नेपाली चलचित्र क्षेत्रका सक्रिय कलाकारहरुको एउटा समुह शनिवार नेपाली काँग्रेसमा प्रवेश गरेको छ । नेपाली कांग्रेस सूचना तथा सञ्चार विभागअन्तर्गत टेलिभिजन उमसमितिको संयोजकत्वमा वरिष्ठ चलचित्रकर्मी नीर शाहको अगुवाईमा पार्टी प्रवेश कार्यक्रमको आयोजना भएको छ ।
नेपाली काँग्रेसका सभापति शेरबहादुर देउवाको निवास बुढानिलकण्ठमा आयोजित समारोहमा कलाकर्मीहरू पार्टी प्रवेश गरेका हुन् ।उनीहरूलाई सभापति देउवाले पार्टी प्रवेश गराएका हुन् ।
पार्टी प्रवेश गर्ने कलाकर्मीहरूमा वरिष्ठ मेकअप आर्टिस्ट सन्तु तामाङ, वरिष्ठ द्वन्द्व निर्देशक एनबी महर्जन, वरिष्ठ रंग पत्रकार बिजयरत्न तुलाधर, नेपाल चलचित्र निर्देशक समाजका अध्यक्ष रक्षा सिंह राणा, नेपाल चलचित्र संघका उपमहासचिव तथा चलचित्र बितरक गोपाल कायस्थ, निर्माता तथा निर्माण नियन्त्रक मिलन सुवेदी, स्क्रीप्ट राइटर अभिमन्यु निरवी, चलचित्र पत्रकार संघ नेपाल उपाध्यक्ष दीपज्योति थापा, निर्माता/कलाकार प्रभाकर श्रेष्ठ, निर्माता/कलाकार सुनिल श्रेष्ठ, निर्देशक राजु अर्याल, कलाकार सबिन श्रेष्ठ, कलाकार दिनेश श्रेष्ठ लगायत चलचित्रकर्मी छन् ।
पार्टी प्रवेश कार्यक्रमा सभापति देउवाले देश निर्माणमा कलाकारको योगदान महत्वपूर्ण हुने बताए । कार्यक्रममा पूर्वसहमहामन्त्री डा.प्रकाश शरण महतको पनि उपस्थिती रहेको थियो ।
कार्यक्रमको आयोजना चलचित्र निर्देशक समाजका महासचिव तथा टेलिभिजन उपसमितिका सदस्य सचिव जनकदीप पराजुली र उपसमितिका सदस्यहरु कलाकार सुशान्त श्रेष्ठ, चलचित्र बिकास बोर्डका पुर्व अध्यक्ष राजकुमार राई र नेपाल प्राबिधिक संघका अध्यक्ष पुष्कर लामाले गरेका हुन् ।
सम्बन्धित समाचार
ट्रेन्डिङ
ताजा अपडेट
-
इम्प्याक्ट नेपालद्वारा राम बहादुर बोगटी सम्मानित
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
-
जिल्ला स्तरिय महिला मानव अधिकार संरक्षकहरुको लागि दुई दिने सुरक्षा र हेरचाह सत्र कार्यक्रम साँफेबगरमा सम्पन्न
-
सुदूरपश्चिम प्रदेशका मुख्यमन्त्री शाहले दिए राजीनामा
-
रञ्जिता द्वारा रेशमले डाकेको पार्टी बैठक खारेज
प्रतिक्रिया