बैतडीमा १ सय ३६ पानीका मूहानमा भेटिए दिसाका जिवाणु
बैतडी । बैतडीमा १३६ पानीका मूहानमा भेटिए दिसाका जिवाणु भेटिएका छन । जिल्लमा २६९ ओटा खानेपानीका मूहान परीक्षण गर्दा १३६ मूहानमा भेटिए दिसाका जिवाणु भेटिएका हुन । जिल्लाका १० ओटै स्थानीय तहका खानेपानीका मूहान परीक्षण गर्दा दिसामा पाइने इ–कोली जिवाणु पाइएको स्वास्थ्य कार्यालय बैतडीका प्रमुख योगेशप्रसाद भट्टले बताए ।
स्वास्थ्य कार्यालयले गएको महिना २६९ ओटा मूहानको पानी परीक्षण गर्दा १३६ ओटा मूहानमा दिसामा पाइने जिवाणु भेटिएको हो । नागरिकले उपभोग गर्ने खानेपानीका मूहानमा दिसामा पाइने जिवाणु भेटिएकाले पानीजन्य रोगहरुको जोखिम समेत बढ्दै गएको उनले बताए । बैतडी खुला दिसामुक्त जिल्ला घोषणा भएको भएपनि पानीका मूहानहरुमा भने दिसामा भेटिने जिवाणु भेटिएका छन् ।
कुनै न कुनै माध्यमबाट मानिसको दिसा पानीका मूहानमा मिसिने भएकाले पानीमा इ–कोली जिवाणु भेटिएको स्वास्थ्यकर्मीहरुले बताएका छन् । अझै पनि खुला रुपमा दिसा गर्ने कार्य पूर्णतः बन्द नहुँदा समस्या भइरहेको छ । महिनावारी भएको बेला महिलाहरुले अझै शौचालय प्रयोग नगर्ने स्थिती कायमै रहेको छ । यस्तै शौचालयको ढल निकासहरु पानीका श्रोतहरुमा छोड्दा यस्तो भएको हुन सक्ने अनुमान गरिएको छ ।
जिल्लाको दशरथचन्द नगरपालिकाका ३४ ओटा मूहानको पानी परीक्षण गर्दा ११ ओटामा दिसामा पाइने जिवाणु भेटिएको छ । यस्तै पुर्चौंडीका ३० मध्ये १२,पाटन नगरपालिकाका २९ मध्ये १३, मेलौली नगरपालिकाका ३१ मध्ये १७ र पञ्चेश्वर गाउँपालिकाका १८ मध्ये १४ ओटा मूहानमा इ–कोली जिवाणु भेटिएको स्वास्थ्य कार्यालयका सूचना अधिकारी विपिन लेखकले जानकारी दिए ।
यस्तै शिवनाथ गाउँपालिकाका १८ मध्ये १२, सिगास गाउँपालिकाका ३७ मध्ये १०,सुर्नया गाउँपालिकाका २४ मध्ये १७, दोगडाकेदार गाउँपालिकाका २७ मध्ये १८ र डिलाशैनी गाउँपालिकाका २१ मध्ये १२ मूहानमा दिसाका जिवाणु भेटिएका छन् । मानिसले प्रयोग गर्ने पानीमा दिसाका जिवाणु भेटिएकाले झाडापखाला, आउँ, हैजा, टाइफाइड जस्ता पानीजन्य रोगको जोखिम बढ्दै गएको स्वास्थ्य प्रमुख भट्टले बताए ।
खानेपानीका मूहानमा दिसाका जिवाणु भेटिएपछि खानेपानी सुरक्षा योजना निर्माणको तयारी भएको छ । खानेपानी तथा सरसफाइ डिभिजन कार्यालयसंगको समन्वयमा स्वास्थ्य कार्यालयले योजना निर्माणको तयारी गरेको स्वास्थ्य प्रमुख भट्टले बताए । जिल्लाका १० ओटै पालिकाका स्वास्थ्य शाखा प्रमुखसहितको बैठक बोलाएर खानेपानी सुरक्षा योजना निर्माण गरिने उनले बताए ।
सम्बन्धित समाचार
ट्रेन्डिङ
ताजा अपडेट
-
सानपा मा आई.पि.भि. खोप अभियान सम्बन्धि पालिका स्तरीय खोप समन्वय समितीसंग अभिमुखिकरण कार्यक्रम सम्पन्न
-
साँफेबगर नगरपालिकामा दुई दिने खोप कार्यक्रमको स्वास्थ्य संस्था स्तरीय सुक्ष्म योजना तर्जुमा गोष्ठी सुरु
-
आज सुदूरपश्चिमका मुख्यमन्त्रीले विश्वासको मत लिँदै
-
ने.वि संघ अछाम द्धारा प्रमुख जिल्ला अधिकारी मार्फत प्रधानमन्त्री लाई ज्ञापन पत्र
-
चौरपाटी गाउँपालिकाको निति तथा कार्यक्रम सार्वजनिक -पूर्णपाठ सहित
प्रतिक्रिया