आगलागी पीडितलाई राहत सहयोग
अछाम। आगलागी भएर घर जलेर नष्ट भएका पीडित अछाम सदरमुकाम मंगलसेन बजार निवासी मना भण्डारीलाई मङ्गलसेन नगरपालिकाले राहत सहयोग प्रदान गरेको छ ।
नगरपालिकाले पीडित भण्डारीलाई त्रिपाल, एक जोर ओढ्ने ओछ्याउने, प्रेसरकुकरसहित एक जोर भाँडाकुँडा प्रदान गरिएको नगरको विपद् शाखाका नरेशबहादुर कठायतले जानकारी दिए ।
त्रिपाल, चामल, दाल, मसला, चिनी, चियापत्ती, ब्रस, कोलगेटलगायतका सामग्री पीडितको घरमै पुगेर सहयोग गरेको छ । यस्तै, डसना, सिरक, तन्ना, सिरानी, प्रेसरकुकर, थाल, लोहोटा, कचौरा, ताप्के, डाडुपुन्यु, झाडुलगायतका सामग्री सहयोग गरिएको नगरपालिकाका पदाधिकारीले जनाएका छन् ।
राहत सामग्री मङ्गलसेन नगरपालिकाका वडा अध्यक्षहरू, कर्मचारी र स्थानीयको सहभागितामा हस्तान्तरण गरिएको छ । “पीडितलाई तत्काल राहत होस् भनेर नगरपालिकाले सहयोग गरेको हो” नगरपालिका विपद् शाखा प्रमुख कठायतले बताए ।
आज बिहान करिब ९ बजेतिर अछाम सदरमुकाम मंगलसेनबजार निवासी मना भण्डारीको घर जलेर नष्ट भएको थियो । नगरपालिकाको दमकल, सुरक्षाकर्मी र स्थानीयको सान्यमा आगोलाई नियन्त्रण लिए पनि घर, लत्ताकपडा, खाद्यान्न, नगद, जिन्सी सामग्री जलेर नष्ट भएको थियो ।
सम्बन्धित समाचार
ट्रेन्डिङ
ताजा अपडेट
-
सानपा मा आई.पि.भि. खोप अभियान सम्बन्धि पालिका स्तरीय खोप समन्वय समितीसंग अभिमुखिकरण कार्यक्रम सम्पन्न
-
साँफेबगर नगरपालिकामा दुई दिने खोप कार्यक्रमको स्वास्थ्य संस्था स्तरीय सुक्ष्म योजना तर्जुमा गोष्ठी सुरु
-
आज सुदूरपश्चिमका मुख्यमन्त्रीले विश्वासको मत लिँदै
-
ने.वि संघ अछाम द्धारा प्रमुख जिल्ला अधिकारी मार्फत प्रधानमन्त्री लाई ज्ञापन पत्र
-
चौरपाटी गाउँपालिकाको निति तथा कार्यक्रम सार्वजनिक -पूर्णपाठ सहित
प्रतिक्रिया