सुदूरपश्चिममा प्राङ्गारिक मल उत्पादन गर्न उपकरण खरिदका लागि तीन करोड
धनगढीः सुदूरपश्चिम प्रदेशको भूमि व्यवस्था, कृषि तथा सहकारी मन्त्रालयले चालु आर्थिक वर्षका लागि प्राङ्गारिक मल उत्पादन गर्न उपकरण खरिदका लागि तीन करोड रुपैयाँ विनियोजन गरेको छ।
भेटेरीनरी एम्बुलेटरी सेवाका लागि उपकरणसहित पिकअप खरिद गर्न ५५ लाख, डिजिटल स्मार्ट बोर्ड खरिद गर्न ८ लाख, खाद्यन्न गोदाम घर निर्माण गर्न ४० लाख, मन्त्रालयको लागि बाउण्डरी वाल निर्माण गर्न १० लाख, डडेल्धुरामा मौरी स्रोत केन्द्र निर्माण गर्न एक करोड, बीउ उत्पादनका लागि गोदाम घर, औजार, प्रशोधन तथा प्याकेजिङ सहयोगका लागि एक करोड २५ लाख ८० हजार बजेट विनियोजन गरिएको छ।
त्यस्तै टीकापुरमा उन्नत नश्लका भैँसी आनुवांशिक फार्म तथा संरचना सुधारका लागि १० लाख, मन्त्रालय परिसरमा फुल बगैचा निर्माण गर्न १० लाख, गोदावरी नगरपालिका–१ अत्तरियामा कृषि थोक बजार स्टल निर्माण गर्न ५० लाख, लागत साझेदारीमा खाद्य गोदाम घर निर्माण गर्न दुई करोड र स्थानीय तहको लागत साझेदारीमा कोल्डस्टोर/कोल्ड चेम्बर तथा कुलबुट निर्माण गर्न दुई करोड बजेट विनियोजन गरिएको छ।
कोल्डस्टोर/कोल्ड च्याम्बर, कृषि बजार, कृषि उत्पादन प्रशोधन उद्योग, गोदाम घर सम्वन्धि संभाव्यता अध्ययन गर्न २५ लाख, वृह्त एवं विशेष उत्पादन क्षेत्रहरुको विस्तृत संभाव्यता अध्ययन गर्न १८ लाख, बाजुरा, बझाङ र दार्चुला जिल्लामा च्याङ्ग्रा पालन सम्वन्धि स्थलगत सर्वे तथा संभाव्यता अध्ययन गर्न ४५ लाख, कार्पेट, पर्दा र गलैजा खरिद गर्न ५ लाख, कार्यालयमा अन्य फर्निचर खरिद शिर्षकमा १० लाख ८० हजार बजेट विनियोजन गरिएको छ।
सम्बन्धित समाचार
ट्रेन्डिङ
ताजा अपडेट
-
सानपा मा आई.पि.भि. खोप अभियान सम्बन्धि पालिका स्तरीय खोप समन्वय समितीसंग अभिमुखिकरण कार्यक्रम सम्पन्न
-
साँफेबगर नगरपालिकामा दुई दिने खोप कार्यक्रमको स्वास्थ्य संस्था स्तरीय सुक्ष्म योजना तर्जुमा गोष्ठी सुरु
-
आज सुदूरपश्चिमका मुख्यमन्त्रीले विश्वासको मत लिँदै
-
ने.वि संघ अछाम द्धारा प्रमुख जिल्ला अधिकारी मार्फत प्रधानमन्त्री लाई ज्ञापन पत्र
-
चौरपाटी गाउँपालिकाको निति तथा कार्यक्रम सार्वजनिक -पूर्णपाठ सहित
प्रतिक्रिया