Hamro Bulletin

प्रथम जननिर्वाचित प्रधानमन्त्री विश्वेश्वरप्रसाद (बीपी) कोइरालाको योगदानको स्मरण आज देशभर  ४१ औं स्मृति दिवस मनाईएको छ । नेपालमा प्रजातन्त्रको स्थापनाका लागि कठोर संघर्ष गरेका कोइरालाको विक्रम संवत् २०३९ साउन ६ गते निधन भएको थियो । यसै अन्र्तगत आज नेपाली काङ्ग्रेस अछाम क्षेत्र नं .१ प्रदेश कार्यसमिति प्रदेश सभा ( क) र नगरकार्य समिति साँफेबगर नगरपालिकाका को सयुक्त आयोजनामा जननायक बिशेश्वर प्रसाद कोईरलाको ४१औँ स्मृती दिवसको अवसरमा  कार्यकर्ता भेटघाट तथा चियापान कार्यक्रम  साँफेबगरमा सम्पन्न भएको छ ।

नेपाली काँग्रेस क्षेत्र नं १ का क्षेत्रीय सभापती कृष्ण बहादुर बुढाको अध्यक्षतामा भएको कार्यक्रममा प्रमुख अतिथि नेपाली काँग्रेस सुदुरपश्चिम कार्य समिति सदस्य रुपा आउजीले नेपाली राजनीति र साहित्यलाई अहिलेको अवस्थामा ल्याउन विश्वेश्वरप्रसाद कोइरालाको ठूलो योगदान रहेको बताउनु भएको छ । बिपी कोइरालाको ४१ औँ स्मृती दिवसको अवसरमा कार्यकर्ता भेटघाट तथा चियापान कार्यक्रम  बौल्दै उँहाले व्यक्तिको स्वतन्त्रपूर्वक बाच्न पाउने अधिकार बिपीको  योगदान बाट प्राप्त भएको उँहाले स्पष्ट पार्नुभयो ।

यस्तै कार्यक्रमका बिशिष्ट अतिथि महा समिति सदस्य अर्जुन ताम्राकारले बिपीको चिन्तनलाई अगाडि बढाएमात्र देशको विकास हुने बताउनु भएको छ । पछिल्लो समय बिपीको सिद्धान्त मिचेर हिड्ने प्रबृती बढेको बताउदै उँहाको मर्गदर्शन लाई आत्मसाथ गरेमात्र पाटी बलियो हुने बताउनु भएको छ । यस्तै महासमिती सदस्य भगवती खनालले बिपीको सपना साकार पार्ने सबैले हातेमालो गरेर अघि बढ्न जरुरी रहेको बताउनु भएको छ । साथै उँहाले पाटी बलियो बनाउनका लागि नेता र कार्यकर्ता बिच समनय , सहकार्य हुन आवश्यक रहेको बताउनु भयो । यस्तै पुर्व महाधिवेशन प्रतिनिधि ध्वज बहादुर कुँवरले बिपीको सिद्धान्तमा अडिक बने मात्र पाटी बलियो हुने बताउनु भएको छ । साथै उँहाले  पाटी बलियो बनाउनका लागि गुट उपगुटको अन्त्य हुनु पर्ने बताउनु भएको छ ।

बिपी नेपाली समाजको निर्माता भएको बताउदै उँहाले मनोवैज्ञानिक धारालाई नेपाली साहित्यमा भित्र्याउन बिपी कोइरालाको ठूलो भूमिका रहेको उल्लेख गर्नुभयो । कार्यक्रमा जिल्ला कार्य समिती सदस्य राम बहादुर कुँवर , सुरत बहादुर कुँवर, बहादुर खड्का , क्षेत्रीय सचिव भिम बहादुर कुँवर नगर सचिव अनिल परियार, प्रदेश उपसभापति बिमल कुँवर, साँफेबगर नगरपालिका वडा नं ७ का वडा अध्यक्ष हिक्मत कडायत लगाएको सहभागिता रहेको थियो । प्रदेश सभापती महेश खड्काले स्वागत मन्तव्य राख्नु भएको कार्यक्रमको सञ्चालन नगर सभापती लाल बहादुर कुँवर नेत्रले गर्नु भएको थियो ।