एक बर्ष नपुग्दै साफेँ मार्तडी सडक ताप्रिसेराको पक्की पुल खोलाले बगायो
साउन, ५ बाजुरा
अछाम — साँफे–मार्तडी सडकअन्तर्गत बूढीगंगा नगरपालिका–२ ताप्रिसेरामा रहेको पक्की पुल खोलाले बगाएपछि बाजुरा जिल्लामा सवारी आवागमन ठप्प भएको छ ।
बाजुराका प्रमुख जिल्ला अधिकारी कृष्ण गैरेका अनुसार आइतबार रातिको अविरल वर्षासँगै घट्टेखोलामा बाढी आउँदा पुल बगेर बूढीगंगा नदीमा मिसिएको हो । ‘अब बाजुरामा सवारीसाधन पूर्ण रूपमा बन्द भएको छ । मार्तडीबाट सरोकारवाको टोली हिँडेरै घटनास्थल पुगेको हो,’ उनले भने, ‘अम्कोटदेखि मार्तडीसम्म दसभन्दा बढी ठाउँमा पहिरो गएको छ ।’
त्यस्तै ताप्रिसेरासँगै जोडिएको अमकोट–द्वारीमा यसअघि नै पहिरो खसेको थियो । उक्त खण्डमा १३ दिनदेखि नै सवारी आवागमन रोकिएको थियो ।पहिरोले अवरुद्ध साँफे–मार्तडी खण्डमा यातायात खुलाउन आजदेखि काम थालिएको छ । अविरल वर्षासँगै खसेको पहिरोले बुढीगंगा नगरपालिकाको अम्कोटमा सडक भासिएको थियो । भत्किएको सडक मर्मत गर्न सुरु भइसकेको प्रमुख जिल्ला अधिकारी गैरेले जानकारी दिए ।
सम्बन्धित समाचार
ट्रेन्डिङ
ताजा अपडेट
-
सानपा मा आई.पि.भि. खोप अभियान सम्बन्धि पालिका स्तरीय खोप समन्वय समितीसंग अभिमुखिकरण कार्यक्रम सम्पन्न
-
साँफेबगर नगरपालिकामा दुई दिने खोप कार्यक्रमको स्वास्थ्य संस्था स्तरीय सुक्ष्म योजना तर्जुमा गोष्ठी सुरु
-
आज सुदूरपश्चिमका मुख्यमन्त्रीले विश्वासको मत लिँदै
-
ने.वि संघ अछाम द्धारा प्रमुख जिल्ला अधिकारी मार्फत प्रधानमन्त्री लाई ज्ञापन पत्र
-
चौरपाटी गाउँपालिकाको निति तथा कार्यक्रम सार्वजनिक -पूर्णपाठ सहित
प्रतिक्रिया