Hamro Bulletin

नेपाली कांग्रेस सभापती एवं पूर्व प्रधानमन्त्रि शेरबहादुर देउवाले गृह जिल्लामा स्वास्थ्य सामाग्री पठाएका छन । कोरोना भाईरसको संक्रमण बढ्दै गए पछि देउवाले संक्रमणको जोखिम व्यवस्थापनका लागी स्वास्थ्य सामाग्री डडेल्धुरा पठाएका छन ।

देउवाको सचिवालय बाट पठाईएका स्वास्थ्य सामाग्री जिल्ला समन्वय प्रमुख गणेशराज भट्टले शुक्रबार विपद व्यवस्थापन समिती संयोजक एवं प्रमुख जिल्ला अधिकारी हरिप्रशाद घिमिरेलाई हस्तान्तरण गरे । देउवाको सचिवालयले पठाएका स्वास्थ्य सामाग्रीमा बेड हाफ फोल्ड गर्न मिल्ने मेट्रेस सहित १५ थान, बेड लकर १५ थान, आई.भि. स्टेण्ड १५ थान, पिपिई ८५ थान र केही आवश्यक औषधीहरु रहेका छन ।

आवश्यकता अनुसार विपद व्यवस्थापन समितीले स्वास्थ्य सामाग्री स्वास्थ्य कार्यालय मार्फत वितरण गर्ने छ । पहिलो चरणमा स्वास्थ्य सामाग्री जिल्ला पुगेको र अन्य सामाग्रीहरु पनि पुग्ने क्रममा रहेको जिल्ला समन्वय समिती प्रमुख भट्टले बताए । गत वर्ष लकडाउनमा खाद्यान्न पठाएका देउवाले यस वर्ष स्वास्थ्य सामाग्री पठाएको उनले बताए ।

संघिय सरकारको मातहातमा रहेको सुदूरपश्चिम प्रदेशको एक मात्र अस्पताल डडेल्धुरा अस्पतालमा दक्ष जनशक्ति कम रहेको र अक्सिजन प्लान्टको पनि स्तरोन्नती नगरिएकाले यसको उचित व्यवस्थापनका लागी प्रयास भईरहेको उनले बताए ।