भोलि बुधबार देखि सार्वजनिक बस सञ्चालन हुने सम्भावना
सार्वजनिक यातायात केन्द्रीय महासङ्घका अध्यक्ष होम प्रसाद अधिकारीले बुधबार (भोलि) देखि सार्वजनिक यातायात सञ्चालन हुन सक्ने बताएका छन् । आज दिउँसो २ बजे अर्थमन्त्री डा युवराज खतिवडासँग यातायात व्यवसायीका समस्याबारे छलफल हुने उनले जानकारी दिए ।
यातायात व्यवसायीहरुले उठाएको सवारी चालकहरूको स्वास्थ्य सुरक्षाको मुख्य माग सरकारले सम्बोधन गरेमा भोलिदेखि सार्वजनिक यातायात सञ्चालन गर्ने तयारी रहेको उनले बताए ।
सरकारले यातायात व्यवसायीहरूको बैंकको ब्याज र किस्तामा सहयोग गर्ने बचन दिइसकेको छ भने यसअघि भौतिक पूर्वाधार तथा यातायात मन्त्री वसन्त नेम्बाङसँग पनि छलफल भएकोमा सो छलफल सकारात्मक भएको उनले बताए ।
आज अर्थमन्त्रीले गर्ने प्रतिवद्धताअनुसार भोलिदेखि सार्वजनिक बस सेवा सञ्चालन हुने–नहुने तय हुने उनले बताए ।
उनले भने, ‘हामीले बस सञ्चालन गर्ने भनिसकेका छौँ, मात्रै सरकारले सवारी चालक र सहचालकको स्वास्थ्य सुरक्षाको जिम्मा लिनुपर्यो । बस चलाउँदा चलाउँदै सवारीचालक बिरामी भएमा कसले जिम्मा लिने ? बसमा चढेका यात्रु बसमै बिरामी भएमा कसले उद्दार गर्ने ? यसबारेमा सरकारले स्पष्ट धारणा सार्वजनिक गर्नुपर्छ । त्यसपछि मात्रै हामी बस सञ्चालन गर्न सक्छौं ।’
गत चैत ११ गतेदेखि लकडाउन जारी भएपछि मुलुकभर रहेका झनडै साडे तीन लाख सार्वजनिक बसहरु ग्यारेजमा थन्किएर बसेका छन् । यद्यपि साझा, मयुर लगायत केही यातायातका साधनले भने सेवा सुरु गर्न लागिरहेका छन् ।
सम्बन्धित समाचार
ट्रेन्डिङ
ताजा अपडेट
-
सानपा मा आई.पि.भि. खोप अभियान सम्बन्धि पालिका स्तरीय खोप समन्वय समितीसंग अभिमुखिकरण कार्यक्रम सम्पन्न
-
साँफेबगर नगरपालिकामा दुई दिने खोप कार्यक्रमको स्वास्थ्य संस्था स्तरीय सुक्ष्म योजना तर्जुमा गोष्ठी सुरु
-
आज सुदूरपश्चिमका मुख्यमन्त्रीले विश्वासको मत लिँदै
-
ने.वि संघ अछाम द्धारा प्रमुख जिल्ला अधिकारी मार्फत प्रधानमन्त्री लाई ज्ञापन पत्र
-
चौरपाटी गाउँपालिकाको निति तथा कार्यक्रम सार्वजनिक -पूर्णपाठ सहित
प्रतिक्रिया