Hamro Bulletin

अछाम जिल्लाको मेल्लेख गाउँपालिका वडा नम्बर २ डाँडाश्री गाउँमा नेकपा र काग्रेश कार्यकर्ता बिच दोहोरो झडप भएको छ ।
कात्तिक २२ गते नेपाली काग्रेशको दशै तिहार शुभकामना कार्यक्रममा नेकपा परित्याग गरेर ८३ जना कार्यकर्ता नेपाली काग्रेशमा प्रवेश गरेको बिषयलाई लिएर कात्तिक २९ गते कुटपिट भएको हो ।
दोहोरो कुटपिटमा एक जना नेकपाका जयबहादुर धामी गम्भीर घाईत भएर थप उपचारका लागि अछामको बयलपाटा अस्पतालबाट नेपालगन्ज रेफर गरिएको छ भने अन्य समान्य घाईते भएका छन् ।
स्थानीय टेकराज धामीका अनुसार सत्तापक्षको आडमा र नेताहरुको निर्देशनमा काग्रेश कर्यकर्ता माथी हमला भएको बताए ।

हिजो राती फेरी सुतेको अवस्थामा नेकपाका कार्यकर्ताले टेकराज धामीका बुवा नरविर धामी माथी घरपरिवार सबै काग्रेशमा प्रवेश भएको भन्दै कुटपिट गरेको दैनिक यात्रा डटकमलाई जानकारी दिनुभयो ।

आफ्ना बुवा सुतेको अवस्थामा मुख सुनिने र नाकबाट रगत बग्ने गरेर नेकपाका कार्यकर्ताले सत्ताको आडमा हातपात गरेको उनको भनाई छ ।