सुदूरपश्चिमका १८ वर्षीय किशोरको कोरोना संक्रमणबाट मृत्यु
धनगढी : सुदूरपश्चिमका १८ वर्षीय किशोरको कोरोना संक्रमणबाट मृत्यु भएको छ। अछाम जिल्लाको रामारोशन गाउँपालिकाका वडा नम्वर ५ का १८ बर्षीय किशोरको कोरोना संक्रमणबाट मुत्यु भएको हो।
उनको पाटन स्वास्थ्य विज्ञान प्रतिष्ठान ललितपुरमा बुधवार मृत्यु भएकोमा आज संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। उनी मुटुरोगबाट ग्रसित थिए। योसंगै सुदूरपश्चिममा कोरोना संक्रमित ११ जनाको मृत्यु भएको छ।
यस्तै पछिल्लो २४ घण्टामा थप तीन जनाको कोरोना संक्रमणका कारण मृत्यु भएको छ। मन्त्रालयका प्रवक्ता डा. जागेश्वर गौतमका अनुसार धनुषाको मिथिला नगरपालिका ७ ढल्केवरका ८५ वर्षीया महिलाको साउन २८ गते बीपी कोइराला स्वास्थ्य विज्ञान प्रतिष्ठानमाउपचारका क्रममा मृत्यु भएको छ।
मोरङको विराटनगर महानगरपालिका -३ का ५७ वर्षीय पुरुषको साउन २८ गते कोसी अस्पतालमा उपचारका क्रममा मृत्यु भएको छ। उनी मधुमेह र उच्च रक्तचापबाट ग्रसित थिए।
यसैगरी महोत्तरीको महोत्तरी मटिहानी नगरपालिका ६ का ४५ वर्षिय पुरुषको साउन २५ गते मृत्यु भएको उनले बताए। क्षयरोग र मधुमेहका ग्रसित उनको राज जानकी अस्पतालमा उपचारका क्रममा मृत्यु भएको हो। दिनेश खबर
सम्बन्धित समाचार
ट्रेन्डिङ
ताजा अपडेट
-
इम्प्याक्ट नेपालद्वारा राम बहादुर बोगटी सम्मानित
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
-
जिल्ला स्तरिय महिला मानव अधिकार संरक्षकहरुको लागि दुई दिने सुरक्षा र हेरचाह सत्र कार्यक्रम साँफेबगरमा सम्पन्न
-
सुदूरपश्चिम प्रदेशका मुख्यमन्त्री शाहले दिए राजीनामा
-
रञ्जिता द्वारा रेशमले डाकेको पार्टी बैठक खारेज
प्रतिक्रिया