एमाले फुट्न नदिन कार्यकर्ताले दबाब बढाऔँ : वामदेव गौतम
काठमाडौं - नेकपा (एमाले)का नेता वामदेव गौतमले पार्टी आन्दोलनलाई विभक्त हुन नदिन कार्यकर्ताको दबाब अपुग भएको निष्कर्ष निकालेका छन् ।
एकता अभियानसँग आबद्ध नेता–कार्यकर्ताहरूसँग शनिबार गरेको भेटघाट, छलफलमा एमालेका निवर्तमान उपाध्यक्षसमेत रहेका गौतमले यस्तो बताएका छन् ।
“एकताबद्ध एमाले नै आजको आवश्यकता हो । नेतृत्व तहमा विवाद, विमति बढेका बेला जनस्तर (कार्यकर्ता तहबाट) एकताको पहल हुनुपर्छ,” गौतमको भनाइ उद्धृत गर्दै अभियानका नेता बाबुराम थापाले भने, “त्यसका लागि एकता अभियानलाई अझ प्रभावकारी, सशक्त बनाउन जरुरी छ ।”
पार्टी अन्तरसंघर्ष चुलिएका बेला सक्रिय देखिएका गौतम अहिले कतै खुलेका छैनन् । नेता माधवकुमार नेपाल समूहले देशव्यापी समानान्तर कमिटी निर्माणको अभियान चलाइरहँदा गौतम अलग्गै अभियान लिएर आधारभूत तहसम्म जाने निचोडमा पुगेका छन् । यसले पार्टी आन्दोलनको रक्षा गर्ने वामदेवको बुझाइ रहेको थापा बताउँछन् ।
गौतमले गएको माघ १४ गते अभियानको घोषणा गरेका थिए । त्यति बेला नेकपाको विवाद उत्कर्षमा थियो । फागुन २३ गतेको फैसलापछि एमाले एकताबद्ध रहोस् भनेर अभियान जारी राखिएको र ३१ बढी जिल्लामा विस्तार भइसकेको उनको भनाइ छ ।
सम्बन्धित समाचार
ट्रेन्डिङ
ताजा अपडेट
-
इम्प्याक्ट नेपालद्वारा राम बहादुर बोगटी सम्मानित
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
-
जिल्ला स्तरिय महिला मानव अधिकार संरक्षकहरुको लागि दुई दिने सुरक्षा र हेरचाह सत्र कार्यक्रम साँफेबगरमा सम्पन्न
-
सुदूरपश्चिम प्रदेशका मुख्यमन्त्री शाहले दिए राजीनामा
-
रञ्जिता द्वारा रेशमले डाकेको पार्टी बैठक खारेज
प्रतिक्रिया