कंगनाविरुद्ध पक्राउ पूर्जी जारी
बलिउडकी क्वीन कंगना रनौतविरुद्ध पक्राउ पूर्जी जारी भएको छ । गीतकार जावेद अख्तरद्वारा दर्ता भएको मानहानीको मुद्दालाई लिएर उनीविरुद्ध पक्राउ पूर्जी जारी गरेको हो ।
अँधेरीको मेट्रोपोलिटन मजिस्ट्रेटले अभिनेत्रीविरुद्ध जमानती पक्राउ पूर्जी जारी गरेको हो । पत्र पठाउँदा पनि अदालतमा उपस्थित नभएपछि पक्राउ पूर्जी जारी गरिएको अदालतले बताएको छ ।
गत महिना मुम्बई प्रहरीले एक रिपोर्ट दर्ता गरेको थियो । जसमा कंगनाविरुद्ध एक मानहानीको मुद्दा दर्ता भएको थियो । बलिउडका गीतकार जावेद अख्तरका तर्फबाट गरिएको उजुरीका आधारमा मुद्दा दर्ता भएको थियो ।
उजुरीमा जावेदले कुनै प्रमाणबिना नै आफूविरुद्ध झुठो बयान दिएको र आफ्नो सम्मानमा ठेस पुगेको बताएका छन् । सामाजिक आफ्नो दमदार अभिनयका कारण सबैको मनमा बस्न सफल नायिका कंगना पछिल्लो समय सामाजिक सञ्जालमा गर्ने टिप्पणीका कारण विवादमा आएकी हुन् ।
सामाजिक सञ्जालमा तुच्छ टिप्पणी गर्ने गरेका कारण भारतका विभिन्न राजनीतिक दलदेखि बलिउडकै कलाकारहरु उनको विपक्षमा देखिएका छन् ।
सम्बन्धित समाचार
ट्रेन्डिङ
ताजा अपडेट
-
इम्प्याक्ट नेपालद्वारा राम बहादुर बोगटी सम्मानित
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
-
जिल्ला स्तरिय महिला मानव अधिकार संरक्षकहरुको लागि दुई दिने सुरक्षा र हेरचाह सत्र कार्यक्रम साँफेबगरमा सम्पन्न
-
सुदूरपश्चिम प्रदेशका मुख्यमन्त्री शाहले दिए राजीनामा
-
रञ्जिता द्वारा रेशमले डाकेको पार्टी बैठक खारेज
प्रतिक्रिया