जन्मदिनको अवसरमा मानव सेवा आश्रममा भोजन दान

जन्मदिनका अवसरमा धनगढी उपमहानगरपालिका स्थित मानव सेवा आश्रममा भोजन दान कार्यक्रम गरिएको छ । साँफेबगरमा रहेको पन्त जनरल स्टोरका प्रोप्राईटर सुरेस प्रसाद पन्तले आफ्नो जन्मदिनको अवसर पारेर उक्त भोजन दान कार्यक्रम गर्नुभएको हो ।

धनगढी उप महा नगरपालिका २ घर भई हाल अछाम को साँफेबगर मा व्यवसाय संचालन गर्नुभएका पन्तले   मानवसेवा आश्रमका करिब ५३ जना असहाय वृद्धवृद्धा तथा बालबालिकालाई भोजन दान गर्नुभयो । मंगलबार बेलुकी सम्पन्न भोजन दान कार्यक्रममा उधोग बाणिज्य संघ कैलालीका सचिव सिद्धाराज पनेरुले जन्मदिनको शुभकामना दिँदै मानव सेवा आश्रमलाई सबै मिलेर सहयोग गर्नुपर्ने बताउनुभयो ।

उहाँले जन्मदिन मनाउन कुनै रेष्टुरेन्टमा गएर खर्च गर्नु भन्दा यसरी असहाय आमाबुबा दाजुभाइ दिदीबहिनीहरूलाई भोजन गराएर मनको आनन्द मिलेको बताउनुभयो । मंगलबार उहाँकी धर्मपत्नी मेनका पाठक पन्तले आश्रममा पुगेर आफैले मानव सेवा आश्रमका असाह्यहरुलाई भोजन खुवाउनु भएको हो ।