ग्राहक आफैँले सेवा सञ्चालन गर्न सक्ने सुविधा सहित एनसेलएपको नयाँ संस्करण सार्वजनिक

एनसेलका ग्राहकले अब सजिलै एनसेल एपबाटै आफ्नो आवश्यकताअनुसार सेवाहरु सञ्चालन गर्न सक्ने भएका छन् । एनसेल आजियाटा लिमिटेडले सोमबार विविध थप सुविधासहित एनसेल एपको नयाँ संस्करण सञ्चालनमा ल्याएसँगै त्यस्तो सुविधा उपलब्ध भएको हो । 

यो नयाँ संस्करण एनसेलले आफ्नो अभियान ‘फास्ट फरवार्ड लाइफ’अन्तर्गत ल्याएको हो । यो अभियानले भविष्यको पुनःकल्पना गर्दै डिजिटल पावरका साथ छिटो अगाडि बढ्न अभिप्रेरित गर्ने दाबी कम्पनीले गरेको छ । 

एनसेलले एपको नयाँ संस्करण सञ्चालनमा ल्याएको उपलक्ष्यमा उक्त एप डाउनलोड गर्ने प्रत्येक नयाँ ग्राहकलाई १ जीबी डाटा निःशुल्क प्रदान गर्ने घोषणा पनि गरेको छ ।

यो एपका प्रयोगकर्ताले अब सजिलै आफ्नो मोबाइलबाटै अनलाइन रिचार्ज, आफूलाई मनपर्ने भ्वाइस र डेटा प्याकहरू तत्कालै सुचारु गर्न सक्नुका साथै विभिन्न कार्य पनि गर्न सक्नेछन् ।

एप डाउनलोड भएपछि ग्राहकले आफूलाई सुहाँउदो सेवा, सुविधाको सुझाव एपको मुख्य स्क्रिनमा नै पाउन सक्नेछन् । त्यसका लागि ग्राहकले एपको मुख्य स्क्रिनको तल्लो भागमा रहेको सप आइकनमा क्लिक गरी आफ्नो आवश्यकताअनुसारको डाटा र भ्वाइस प्याक लिन सक्ने कम्पनीको भनाइ छ ।

क्जष्पजबच क्ष्लकगचबलअभीष्दभचतथ ऋयििभनभ
त्यसैगरी, यस संस्करणमा एपमार्फत ग्राहकले गुनासो दर्ता, मासिक बिल र सेवाखपतको ट्रयाकिङजस्ता कार्यहरू पनि गर्न सक्नेछन् । यसमा सहज रूपमा सेवा खरिद गर्ने वा पहिले नै लिएको सेवा बन्द गर्न सकिने सुविधा पनि छ ।

त्यस्तै, एपमा ग्राहकले आफूलाई चाहिएको प्याक सजिलै फिल्टर गरी छान्न सक्ने सुविधा पनि छ र बिनायूएसएसडी कोडको प्रयोग गरी सेवाहरू सुचारु गर्न सक्छन् । 

एनसेलका ग्राहकले गुगलप्ले स्टोर र एप्पलएप स्टोरमा गई नयाँ संस्करणको एनसेल एप आफ्नो मोबाइलमा डाउनलोड गर्न सकिने कम्पनीले जनाएको छ ।