श्वेता खड्का र उनका पती विजयेन्द्रले कुटेको भन्दै सुष्मा कार्कीले दिइन प्रहरीमा उजुरी

अभिनेत्री श्वेता खड्काले आफूमाथि कुटपिट गरेको भन्दै अभिनेत्री सुष्मा कार्कीले प्रहरीमा उजुरी दिएकी छिन्।  

श्वेतासँगै उनका पति विजयेन्द्र सिंह, बहिनी आरती खड्का र पत्रकार उत्सव रसाइलीले पनि आफूमाथि कुटपिट गरेको भन्दै सुष्माले महानगरीय वृत्त दरबारमार्गमा उजुरी दिएकी हुन। 

सुष्माले सोमबार साँझ नै उजुरी दर्ता गराएको दरबारमार्गका प्रहरी इन्स्पेक्टर प्रदीप सुवेदीले बताए। 

सुष्माले सोमबार साँझ लन्डन पब क्याफेमा आफूमाथि कुटपिटको घटना भएको दाबी गरेकी हुन्। उनले श्वेता खड्का र उनको साथमा रहेका पति तथा बहिनीले कुटपिटसँगै आफूलाई तथानाम गाली गरेको र अपशब्द प्रयोग उजुरी गरेकी छिन्।